Pineapple: అనాసతో అంతా మేలే!

ఇంటర్నెట్‌ డెస్క్‌: పోషకాలున్న అనాస తింటున్నారా! శరీరానికి ఎంతో మేలు చేసే ఈ పండును మీ రోజు తినే ఆహారంలో భాగం చేసుకోండి. దీనివల్ల ఎన్ని  ప్రయోజనాలున్నాయో తెలుసుకుందాం. 

* తక్షణ శక్తిని అందించడంలో పైనాపిల్ ఉపయోగపడుతుంది. 
* ఇందులో ఉండే విటమిన్‌ సీ, యాంటీ ఆక్సీడెంట్లు, ఫైబర్‌ శరీర పనితీరును మెరుగుపరిచేందుకు తోడ్పడుతాయి. 
* ఇందులో ఉండే మాంగనీసు ఎముకలకు బలాన్ని చేకూరుస్తుంది. 
* ఏదైనా దెబ్బ తగిలి గాయాలైతే తొందరగా కోలుకునేందుకు సహాయపడుతుంది. 
* ఒత్తిడి నుంచి ఉపశమనం కలిగిస్తుంది. 
* జీర్ణ శక్తిని పెంపొందిస్తుంది. 
* సహజంగా బరువు తగ్గేందుకు ఉపయోగపడుతుంది. 
* రోజూ ఓ గ్లాసు పైనాపిల్ రసాన్ని తాగటం వల్ల ఆరోగ్యంగా ఉండవచ్చు. రోజంతా ఉత్సాహంగా ఉంటారు. 
* పైనాపిల్‌ను ముక్కలుగా చేసుకుని కూడా తినేయచ్చు. దీంతో పైనాపిల్‌లో ఉండే ఫైబర్ కూడా శరీరానికి అందుతుంది.