Health: ఊపిరితిత్తుల్లో నీరు ఎందుకు చేరుతుందో తెలుసా

ఇంటర్నెట్‌ డెస్క్‌: శరీరంలో అనువుగాని చోట నీరు చేరితే ప్రాణాంతకంగా మారుతుంది. ఊపిరితిత్తులు, ఛాతీ మధ్యభాగంలో ఊపిరి తిత్తుల చుట్టూ నీరు చేరడం ఎన్నో ఇబ్బందులకు గురి చేస్తుంది. ఈ సమస్యతో న్యూమోనియా మొదలవుతుంది. సకాలంలో చికిత్స అందించకపోతే ఏకంగా ప్రాణాలే ప్రమాదంలో పడుతుందని వైద్యులు చెబుతున్నారు. ఊపిరితిత్తులకు నీరు చేరడానికి కారణాలు, చికిత్స ఎలా చేయాలో పల్మనాలజిస్టు రవీంద్రనాథ్‌ పలు విషయాలు పేర్కొన్నారు.

ఎందుకీ సమస్య: చాలా వరకు ఇన్‌ఫెక్షన్లతోనే సమస్య వస్తుంది. ఊపిరితిత్తులకు ఉండే రెండు పొరల మధ్య నీరు చేరుతుంది. న్యూమోనియా,టీబీ వచ్చినపుడు నీరు వస్తుంది. కొన్ని రకాల క్యాన్సర్లతోనూ రావొచ్చు. దెబ్బలు తగిలినపుడు, పక్కటెముకలకు గాయాలైతే ఇబ్బందులు వస్తాయి. శరీరంలో ప్రోటీన్‌ తగ్గినా, కిడ్నీ, గుండెలో సమస్యలున్నా నీరు చేరుతున్నట్టు గమనిస్తాం.

ఎలా తెలుస్తుంది: కొంచెం నీరు చేరినపుడు ఛాతీలో నొప్పి వస్తుంది. నీరు ఎక్కువ పెరిగినపుడు ఆయాసం,దగ్గు కూడా వస్తుంది. జ్వరం రావొచ్చు. నీరు చేరినట్టు గుర్తించనట్లయితే ఆయాసం పెరిగి ప్రాణాంతకంగా మారుతుంది. ఎక్స్‌రేలో తేడా కనిపిస్తే నీరు ఉన్నట్టే. అల్ట్రాసౌండ్‌తో నిర్థారణ చేయడానికి వీలుంది.

చికిత్స ఇలా: న్యూమోనియాకు మందులను వాడితే నయం అవుతుంది. ఊపిరితిత్తుల చుట్టూ నీరు ఇంకిపోయేలా చేయడానికి అవకాశం ఉంది. నీరు బాగుంటే సూదితో తొలగించవచ్చు. మంచి వైద్య పరికరాలు అందుబాటులోకి వచ్చాయి. ఎవరూ భయపడాల్సిన అవసరం లేదు.

► Read latest General News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.