Draupadi Murmu: భద్రాద్రి రామాలయంలో రాష్ట్రపతి ప్రత్యేక పూజలు

భద్రాచలం: రాష్ట్రపతి ద్రౌపదీ ముర్ము భద్రాచలం చేరుకున్నారు. తొలుత హైదరాబాద్‌ నుంచి ప్రత్యేక విమానంలో రాజమహేంద్రవరం వెళ్లిన ఆమె.. అక్కడి నుంచి హెలికాప్టర్‌లో భద్రాచలం వచ్చారు. భద్రాద్రిలో గవర్నర్ తమిళిసై సౌందరరాజన్‌, మంత్రులు పువ్వాడ అజయ్‌, సత్యవతి రాథోడ్‌, జిల్లా ఉన్నతాధికారులు రాష్ట్రపతికి స్వాగతం పలికారు. 

అనంతరం ఆలయానికి చేరుకున్న రాష్ట్రపతికి అర్చకులు, దేవాదాయశాఖ అధికారులు పూర్ణకుంభంతో ఘనస్వాగతం పలికారు. ఆ తర్వాత శ్రీ సీతారామచంద్ర స్వామి వారిని ద్రౌపదీ ముర్ము దర్శించుకుని ప్రత్యేక పూజలు నిర్వహించారు. అనంతరం రాష్ట్రపతికి అర్చకులు వేదాశీర్వచనం చేసి స్వామి వారిని తీర్థప్రసాదాలు అందజేశారు.