Hyderabad: దైవ దర్శనానికి వచ్చిన భక్తుడిపై పూజారి దాడి

సికింద్రాబాద్:  సికింద్రాబాద్ గణపతి ఆలయానికి దైవదర్శనం కోసం వచ్చిన భక్తుడిపై.. పూజారి దాడి చేసిన ఘటన ఆలస్యంగా వెలుగులోకి వచ్చింది. రెండ్రోజుల క్రితం గణపతి ఆలయానికి వచ్చిన ఉప్పల్‌కు చెందిన భక్తుడు.. వినాయకుణ్ని దర్శించుకున్నాడు. పక్కనే ఉన్న ఉప ఆలయాలను దర్శించుకుంటున్న సమయంలో.. అనుమతి లేకుండా ఆ గుడిలోకి ఎలా వెళ్తావంటూ.. పూజారి ప్రభాకర్ శర్మ, భక్తుడితో వాగ్వాదానికి దిగాడు. అదే సమయంలో ఆగ్రహానికి లోనై భక్తుడిపై దాడి చేశాడు. ఈ దృశ్యాలు ఆలయంలోని సీసీ కెమెరాల్లో రికార్డయ్యాయి. భక్తుడు పోలీసులను ఆశ్రయించడంతోపాటు.. ఆలయ అధికారులకు ఫిర్యాదు చేశారు. దేవాదాయశాఖ కమిషనర్ దృష్టికి ఈ విషయాన్ని తీసుకెళ్లి ప్రభాకర్ శర్మపై చర్యలు తీసుకుంటామని అధికారులు వెల్లడించారు.