Tirumala : తిరుమలలో ఏకాంతంగానే రథసప్తమి వేడుకలు

తిరుమల : కరోనా వ్యాప్తి నేపథ్యంలో ఫిబ్రవరి 8న తిరుమలలో ఏకాంతంగా రథసప్తమి వేడుకలు నిర్వహించాలని తితిదే నిర్ణయించింది. ఈ సందర్భంగా వాహనసేవలను ఆలయంలోనే ఏకాంతంగా నిర్వహిస్తారు. ఆ రోజున ఆలయంలో నిర్వహించే కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్ర దీపాలంకార సేవలను తితిదే రద్దు చేసింది.

సూర్యప్రభ వాహనం: ఉదయం 6 గంటల నుంచి 8 గంటల వరకు
చిన్నశేష వాహనం : ఉదయం 9 గంటల నుంచి 10 గంటల వరకు
గరుడ వాహనం : ఉదయం 11 గంటల నుంచి మధ్యాహ్నం 12 గంటల వరకు
హనుమంత వాహనం : మధ్యాహ్నం 1 గంట నుంచి 2 గంటల వరకు
చక్రస్నానం : మధ్యాహ్నం 2 గంటల నుంచి 3 గంటల వరకు

రంగనాయకుల మండపంలో..

కల్పవృక్ష వాహనం : సాయంత్రం 4 గంటల నుంచి 5 గంటల వరకు
సర్వభూపాల వాహనం : సాయంత్రం 6 గంటల నుంచి 7 గంటల వరకు
చంద్రప్రభ వాహనం : రాత్రి 8 గంటల నుంచి 9 గంటల వరకు

తిరుచానూరు శ్రీ పద్మావతి అమ్మవారి ఆలయంలోనూ రథసప్తమి వేడుకలు ఏకాంతంగా నిర్వహించనున్నారు.