Andhra news: ఏపీ డీజీపీ రాజేంద్రనాథ్‌రెడ్డికి ఎంపీ రఘురామ లేఖ

దిల్లీ: ఏపీ డీజీపీ రాజేంద్రనాథ్‌ రెడ్డికి నర్సాపురం ఎంపీ రఘురామకృష్ణరాజు లేఖ రాశారు. తనపై సీఐడీ దాడి ఘటనపై త్వరితగతిన దర్యాప్తు జరపాలని కోరారు. దర్యాప్తు కోసం ప్రత్యేక బృందాన్ని ఏర్పాటు చేయాలని విజ్ఞప్తి చేశారు. తప్పుడు కేసులు పెట్టి తనను చిత్ర హింసలకు గురి చేశారని ఆరోపించారు. దాడి చేసిన వారిలో సీఐడీ చీఫ్ సునీల్‌కుమార్‌ ఉన్నట్లు ఫిర్యాదు చేశారు. ఘటనపై లోక్‌సభ స్పీకర్‌ ఓంబిర్లా నివేదిక కోరినా.. సవాంగ్‌ స్పందించలేదని రఘురామ తన లేఖలో పేర్కొన్నారు. స్పీకర్‌కు త్వరగా నివేదిక పంపాలని డీజీపీని కోరారు. పోలీసు వ్యవస్థపై మళ్లీ విశ్వాసం కలిగేలా చర్యలు తీసుకోవాలని కోరుతూ.. నిష్పక్షపాతంగా దర్యాప్తు జరపాలని అన్నారు.