Railway Police: సాయి డిఫెన్స్‌ అకాడమీకి రైల్వే పోలీసుల నోటీసులు..

హైదరాబాద్‌: సికింద్రాబాద్‌ రైల్వేస్టేషన్‌లో జరిగిన అల్లర్ల కేసులో మేడిపల్లిలోని సాయి డిఫెన్స్‌ అకాడమీకి పోలీసులు నోటీసులు జారీ చేశారు. ఆర్మీ ఉద్యోగార్థులను రెచ్చగొట్టారనే ఆరోపణల నేపథ్యంలో రైల్వే యాక్ట్‌ 1989 కింద నోటీసులు ఇచ్చినట్లు పోలీసులు పేర్కొన్నారు. నోటీసులను కార్యాలయం గేటుకు అతికించారు. విచారణకు వచ్చే సమయంలో సాయి డిఫెన్స్‌ అకాడమీకి చెందిన రికార్డులు, ఆధారాల పత్రాలతో రావాలని సూచించారు.

సుబ్బారావుకు వైద్య పరీక్షలు..

మరోవైపు ఈ అల్లర్ల కేసులో నిందితుడిగా ఉన్న సాయి డిఫెన్స్‌ అకాడమీ డైరెక్టర్‌ సుబ్బారావు రైల్వే పోలీసుల అదుపులో ఉన్న విషయం తెలిసిందే. ఆయన్ను ఈరోజు అరెస్ట్‌ చేసే అవకాశాలు ఉన్నాయి. దీనిలో భాగంగానే వైద్యపరీక్షల నిమిత్తంగా సుబ్బారావును గాంధీ ఆస్పత్రికి పోలీసులు తీసుకెళ్లారు. అనంతరం టాస్క్‌ఫోర్స్‌ కార్యాలయానికి ఆయన్ను తరలించారు. సాయంత్రానికి సుబ్బారావును న్యాయస్థానం ముందు హాజరుపరిచే అవకాశముంది.

► Read latest General News and Telugu News

► Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.