TS News: ఆకాశంలో అద్భుత దృశ్యం!

హైదరాబాద్‌: తెలంగాణలోని పలు ప్రాంతాల్లో ఆకాశంలో అద్భుతం చోటుచేసుకుంది. హైదరాబాద్‌, మెదక్‌, సిద్దిపేట, సంగారెడ్డి సహా పలు చోట్ల సూర్యుని చుట్టూ ఇంద్రధనస్సు మాదిరిగా ఓ వలయం కనిపించింది. ఉదయం 10 గంటల నుంచి ఇలా కనిపిస్తోందని కొందరు స్థానికులు చెప్పారు. ఈ సుందర దృశ్యాలను తమ మొబైల్‌ ఫోన్లలో బంధించుకున్నారు.

దట్టమైన మేఘాలు ఏర్పడి వాటిలో ఘనీభవించిన నీటి బిందువులపై సూర్యకిరణాలు పడినపుడు ఇలాంటి దృశ్యం ఆవిష్కృతమవుతుందని ఖగోళ శాస్త్ర నిపుణులు చెబుతున్నారు. మంచు బిందువులపై పడిన కిరణాలు పరావర్తనం చెంది ఇలా ఇంద్రధనస్సు రంగుల్లో కనిపిస్తాయని తెలిపారు.