Karnataka: ఉడిపిలో చిక్కిన అరుదైన ‘ఘోల్’ చేప.. ధర వింటే అవాక్కే..!

ఉడిపి: కర్ణాటకలో అరుదైన చేప.. ఓ మత్య్సకారుడిని లక్షాధికారిని చేసింది. ఉడిపి జిల్లాలో చేపల వేటకు వెళ్లిన జాలరి వలకు అరుదైన చేప 'ఘోల్  ఫిష్' చిక్కింది. ఆ చేప బరువు 18 కేజీలు ఉంది. మత్య్సకారుడు ఆ చేపను మాల్పే ఓడరేవులో వేలానికి పెట్టాడు. 18 కిలోల బరువున్న ఈ ఘోల్ ఫిష్ ధర రూ.1.80 లక్షలు పలికింది. కిలోకు రూ.10 వేల చొప్పున ధర లభించడంతో ఆ మత్స్యకారుడి ఆనందానికి అవధుల్లేకుండా పోయాయి. ఈ చేపలో ఎన్నో ఔషధ గుణాలుంటాయి. విదేశాలలో మంచి డిమాండ్ కూడా ఉంటుంది. సాధారణంగానే కేజీ ఘోల్ ఫిష్ రూ.9,000-10,000 వరకు పలుకుతుంది. దీని మాంసం చాలా రుచికరంగా ఉంటుంది. ఈ చేప చాలా అరుదుగా వలకు చిక్కుతుందని స్థానికులు చెబుతున్నారు. 

► Read latest General News and Telugu News