Ts News: మంత్రి గంగులతో చర్చలు సఫలం.. సమ్మె నుంచి వెనక్కి తగ్గిన రేషన్‌ డీలర్లు

హైదరాబాద్‌: ప్రభుత్వ హామీతో సమ్మె నుంచి వెనక్కి తగ్గినట్టు రేషన్‌ డీలర్లు ప్రకటించారు. పౌరసరఫరాలశాఖ మంత్రి గంగుల కమలాకర్‌. రేషన్‌ డీలర్ల జేఏసీ నేతలతో జరిపిన చర్చలు సఫలమయ్యాయి. మంత్రి గంగుల ఇచ్చిన హామీ మేరకు సమ్మె విరమించి.. రాష్ట్రవ్యాప్తంగా రేషన్‌ పంపిణీని తక్షణమే ప్రారంభిస్తున్నామని రేషన్‌ డీలర్ల జేఏసీ ఛైర్మన్‌ నాయికోటి రాజు, ఇతర నేతలు మంత్రి సమక్షంలో ప్రకటించారు. నేటి నుంచి రేషన్‌ షాపులు యధావిధిగా పనిచేస్తాయని రేషన్‌ డీలర్లు స్పష్టం చేశారు. గతంలో ఇచ్చిన హామీ మేరకు రేషన్‌ డీలర్ల సంక్షేమం విషయంలో ప్రభుత్వం కట్టుబడి ఉందని పౌరసరఫరాలశాఖ మంత్ఇర గంటుల కమలాకర్‌ స్పష్టం చేశారు.