Erectile Dysfunction: స్తంభన లోపాన్ని అధిగమించండిలా..!

ఇంటర్నెట్‌ డెస్క్‌: తనువులు, మనసులను ఏకం చేసే సృష్ఠి కార్యంలో పురుషత్వం పెద్ద ప్రశ్నార్థకంగా మారుతోంది. కుటుంబాల్లో కలతలు, వివాదాలు ముదురుతున్నాయి. చాలా కుటుంబాలు చిన్నాభిన్నం అవుతున్నాయి. స్తంభన వైఫల్యం కట్టిపడేయడానికి ఎన్నో అవకాశాలున్నా వైద్యులకు చెప్పుకోలేక లోలోపలే మధనపడిపోతున్నారు. ఈ సమస్యను ఎలా అధిగమించవచ్చో వైద్యులు పలు సూచనలు చేశారు.

* స్తంభన లోపం అరుదైనది కాదు. మూడింట ఒక వంతు మంది ఈ సమస్యతో ఇబ్బంది పడుతున్నారు. 

* ఈ ఇబ్బంది నుంచి బయట పడేందుకు ఎన్నో మార్గాలున్నాయి. ఈ విషయం తెలియక సతమతమవుతున్నారు.

* అంగ స్తంభన సమస్య గుండె, మధుమేహం ఇతరత్రా జబ్బులున్నపుడు వస్తుంది.

*  జీవనశైలి మార్పులు, ఒత్తిడి, ఆందోళన టెస్టోస్టెరాన్‌ మోతాదులు తగ్గడంతో స్తంభన లోపం ఎదురవుతుంది.

* వైద్యులను కలుసుకొని అన్ని విషయాలను విడమరచి చెప్పడం మంచిది. 

* అనారోగ్యకరమైన ఆహారం ఇబ్బందులను మరింత ఎక్కువ చేస్తుంది. ఈ సమస్య వచ్చినపుడు మంచి ఆహారంపై దృష్టి పెట్టాలి. పండ్లు ఎక్కువగా తీసుకోవాలి. పొట్టు తీయని పదార్థాలు ఎక్కువగా తినాలి.

* వ్యాయామం ఎంతో మేలు చేస్తుంది. శరీరానికి రక్త సరఫరా పెంచుతుంది. ఈత, యోగా, ప్రాణాయామం బాగా ఉపకరిస్తాయి.

* పొగ, మద్యం తాగడం మానేయాలి. ఇవి సమస్యను మరింత పెద్దగా చేస్తాయి.