Road Accident: పుష్ప-2 షూటింగ్‌ నుంచి వస్తుండగా ప్రమాదం

నార్కట్‌పల్లి గ్రామీణం: పుష్ప-2 సినిమా ఆర్టిస్టులతో వెళ్తున్న ప్రైవేటు ట్రావెల్స్‌ బస్సు.. రోడ్డు పక్కన నిలిపిన ఆర్టీసీ బస్సును ఢీకొట్టింది. ఈ ఘటన నల్గొండ జిల్లా నార్కట్‌పల్లి పరిధిలోని విజయవాడ-హైదరాబాద్ హైవేపై చోటుచేసుకుంది. 

స్థానికులు తెలిపిన వివరాల ప్రకారం..  ఖమ్మం డిపోకు చెందిన ఆర్టీసీ బస్సు సాంకేతిక కారణాలతో నల్గొండ జిల్లా నార్కట్‌పల్లి శివారులోని జాతీయ రహదారి పక్కన నిలిపారు. బుధవారం తెల్లవారుజామున పుష్ప-2 సినిమా ఆర్టిస్టులతో  శ్రీకాకుళం నుంచి హైదరాబాద్‌కు ప్రైవేటు ట్రావెల్‌ బస్సు వెళ్తోంది. ఈ క్రమంలో రోడ్డు పక్కన ఆగి ఉన్న ఆర్టీసీ బస్సును అదుపుతప్పి ఢీకొట్టింది. ఈ ప్రమాదంలో ప్రైవేటు బస్సులో ఉన్న సినిమా ఆర్టిస్టుల్లో ఇద్దరు స్వల్పంగా గాయపడ్డారు. వీరంతా  షూటింగ్‌ ముగించుకొని హైదరాబాద్‌కు వెళ్తండగా ఈ ప్రమాదం జరిగింది.