Published : 11 Feb 2021 01:22 IST

శెభాస్‌ పోలీస్‌..  క్షణం ఆలస్యమైనా ప్రాణాలు పోయేవి!

విశాఖలో ప్రయాణికుడి ప్రాణాల్ని కాపాడిన మహిళా పోలీస్‌ 

విశాఖ: కదులుతున్న రైలెక్కేందుకు ప్రయత్నించి ప్రమాదవశాత్తు జారిపడిన ఓ వ్యక్తిని కాపాడిన ఆర్‌పీఎఫ్ మహిళా కానిస్టేబుల్‌కు ఇంటర్నెట్‌లో ప్రశంసలు వెల్లువెత్తుతున్నాయి. క్షణాల్లోనే అక్కడికి పరుగెత్తి ప్రయాణికుడి ప్రాణాల్ని కాపాడటంలో ఆమె అప్రమత్తతను కొనియాడుతూ రైల్వే మంత్రిత్వశాఖ చేసిన ట్వీట్ వైరల్‌గా మారింది. వివరాల్లోకి వెళ్తే.. ఫిబ్రవరి 8న విశాఖపట్నంలో ఓ వ్యక్తి కదులుతున్న రైలు ఎక్కేందుకు ప్రయత్నించాడు. కానీ కింద జారిపడ్డాడు. దీంతో అక్కడే ఉన్న ఆర్‌పీఎఫ్‌ మహిళా కానిస్టేబుల్‌ అప్రమత్తంగా వ్యవహరించి మరికొందరు పోలీసు సిబ్బందితో కలిసి అతడిని పక్కకు లాగేయడంతో పెను ప్రమాదం తప్పింది. 

అయితే, ఈ ఘటనకు సంబంధించిన వీడియోను రైల్వేశాఖ బుధవారం విడుదల చేసింది. ‘మానవత్వానికే తొలి సేవలు’ అని పేర్కొంది. ఈ వీడియో ఆర్‌పీఎఫ్‌ సిబ్బందికి అమర్చిన కెమెరాలో రికార్డయినట్టు పోస్ట్‌లో పేర్కొంది. ఈ వీడియోను చూసిన వారంతా ఆ ప్రయాణికుడి ప్రాణాల్ని కాపాడిన మహిళా కానిస్టేబుల్‌ను అభినందిస్తున్నారు. ఆమె చేసిన ఈ పనికి ఏ అవార్డు, రివార్డు సరిపోదని కామెంట్లు పెడుతున్నారు.

ఇదీ చదవండి..

ఈ జాగ్రత్తలు పాటిస్తే మీ వాట్సాప్ సేఫ్..! 


Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts