చెట్లెక్కిన చదువులు

ఇంటర్నెట్‌ డెస్క్‌: కరోనా వల్ల విద్యా వ్యవస్థ తీరుతెన్నులు మారిపోయాయి. సామూహికంగా తరగతులు నిర్వహించడానికి వీలులేకపోవడంతో ఆన్‌లైన్‌లో పాఠాలు బోధిస్తున్నారు. ఈ మార్పు వల్ల గ్రామీణ ప్రాంతాల్లో ఉండే విద్యార్థులు తీవ్ర ఇబ్బందులకు గురవుతున్నారు. సెల్‌ఫోన్‌ సిగ్నళ్ల కోసం ఎత్తైన చెట్లు ఎక్కాల్సిన పరిస్థితి ఏర్పడింది. కాగా కర్ణాటకలోని నమక్కల్ జిల్లా పెరపంచోళై, పెరియ గొంబాయ్ గ్రామాల్లోని విద్యార్థులు సిగ్నల్ కోసం ఎత్తైన చెట్లు ఎక్కి ఆన్ లైన్ పాఠాలు వింటున్నారు. పాఠాలు వినాలనే తపనతో విద్యార్థులు సాహసాలు చేస్తున్న వైనం జిల్లా కలెక్టరుకు చేరింది. దీంతో గ్రామంలో సెల్ ఫోన్ టవర్ ఏర్పాటుకు కృషి చేస్తామని జిల్లా కలెక్టర్ శ్రేయ సింగ్ తెలిపారు.