‘టీకా’ సారంగదరియా పాట విన్నారా..?

కమలాపూర్‌: కరోనా టీకాపై అవగాహన కల్పించేందుకు వరంగల్ అర్బన్‌ జిల్లాకు చెందిన ఓ ఉపాధ్యయుడు వినూత్న ప్రయోగం చేశారు. జానపద పాటను పేరడీగా మలిచి కొవిడ్‌ టీకాపై అవగాహన కల్పిస్తున్నారు. వ్యాక్సిన్‌ వేసుకోవాలని ప్రజలకు సూచిస్తున్నారు. ఈమధ్య కాలంలో ప్రేక్షకుల నుంచి విశేష ఆదరణ పొందిన ‘సారంగదరియా’ పాటను పేరడీగా మలిచారు కమలాపూర్‌ మండలం గూనిపర్తికి చెందిన రఘుపతి. సామాజిక బాధ్యతగా కొవిడ్‌ టీకాపై రాసిన పేరడీ పాట సోషల్‌ మీడియాలో విస్తృతంగా చక్కర్లు కొడుతోంది. ప్రతిఒక్కరు కొవిడ్‌ నిబంధలు పాటించాలని రఘుపతి సూచిస్తున్నారు.