Southwest Monsoon: కేరళను తాకిన నైరుతి రుతుపవనాలు.. 3 రోజుల ముందే పలకరింపు!

ఇంటర్నెట్‌ డెస్క్‌: దేశ వ్యవసాయ రంగానికి జీవనాధారమైన నైరుతి రుతుపవనాలు తాజాగా కేరళను తాకాయి. సాధారణ తేదీ(జూన్ 1) కంటే మూడు రోజుల ముందుగానే ఆదివారం కేరళలో ప్రవేశించాయని భారత వాతావరణ విభాగం డైరెక్టర్ జనరల్ మృత్యుంజయ్ మహపాత్ర వెల్లడించారు. ఇటీవల బంగాళాఖాతంలో ఏర్పడిన అసని తుపాను ప్రభావంతో మే 27నే అవి కేరళకు చేరుకునే అవకాశం ఉందని వాతావరణ విభాగం తొలుత అంచనా వేసింది. 

మరోవైపు కేరళ నుంచి దక్షిణ రాష్ట్రాలకు విస్తరించనున్న నైరుతి రుతుపవనాలు మరో వారం రోజుల్లో తెలుగు రాష్ట్రాల్లోకి ప్రవేశించే అవకాశం ఉందని భారత వాతావరణ శాఖ వెల్లడించింది. ఈ ఏడాది సాధారణ వర్షపాతం ఉంటుందని తెలిపింది.