Sweets: బంగారు పూత పూసిన స్వీట్.. ఈ మధుర పదార్థం ధరెంతో తెలుసా..?

దేశంలో పండుగల సీజన్ మొదలైంది. అన్నా చెల్లెళ్లు, అక్కాదమ్ముల ఆత్మీయతను చాటే రక్షాబంధన్‌ వేడుకను ప్రజలు ఆనందోత్సవాలతో జరుపుకుంటున్నారు.

Published : 12 Aug 2022 02:04 IST

ఇంటర్నెట్‌ డెస్క్‌: దేశంలో పండుగల సీజన్ మొదలైంది. అన్నాచెల్లెళ్లు, అక్కాదమ్ముల ఆత్మీయతను చాటే రక్షాబంధన్‌ వేడుకను ప్రజలు ఆనందోత్సవాలతో జరుపుకుంటున్నారు. రాఖీ కట్టిన వేళ.. నోరు తీపి చేసుకునేందుకు పక్కన స్వీట్ ఉండాల్సిందే..! భారీతనాన్ని ఇష్టపడే భారతీయుల చెంతన ఆ మధుర పదార్థాలు మెరుగులు అద్దుకుంటున్నాయి. వెండి పూతతో ఉన్న స్వీట్లు మనకు కొత్తేం కాదు. ఇటీవల కాలంలో బంగారు పూత ఉన్న స్వీట్లు మార్కెట్లలో దర్శనమిస్తున్నాయి.  

ఈ రక్షాబంధన్‌ను పురస్కరించుకొని బంగారు పూత పూసుకున్న స్వీట్లను మహారాష్ట్రలోని నాసిక్‌కు చెందిన ఓ దుకాణం అమ్మకానికి పెట్టింది. వినియోగదారులను ఆకట్టుకునేందుకు ఈ కొత్త ప్రయత్నం చేసింది. వీటితో నోరు తీపి చేసుకోవాలంటే కేజీకి రూ.6 వేలు చెల్లించాలి. ఈ బంగారు స్వీట్‌ను రుచి చూడాలంటే.. మరి ఆ మాత్రం చెల్లించాల్సిందేగా..!  ఇంతకు ముందు రాజస్థాన్‌ వెరైటీ ఘెవార్‌ (గుండ్రంగా ఉండే)ను అమ్మకానికి ఉంచి ఉత్తర్‌ప్రదేశ్‌కు చెందిన ఓ స్వీట్‌ షాప్ వార్తల్లో నిలిచింది. 24 క్యారెట్ల బంగారు పూతతో సిద్ధమైన ఇది ఎంత పలికిందో తెలుసా..? అక్షరాల రూ.25 వేలు..! కొత్తదనం, భారీదనం కావాలంటే అంతేమరి..!

Read latest General News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని