Samatha Murthy: శ్రీరామానుజాచార్య సహస్రాబ్ది వేడుకలు: 9 మంది జీయర్‌స్వాములతో మంత్ర అనుష్టానం..

హైదరాబాద్‌: నగర శివారు ముచ్చింతల్‌లో రామానుజాచార్య సహస్రాబ్ది వేడుకలు ఘనంగా కొనసాగుతున్నాయి. మూడోరోజు కార్యక్రమాల్లో భాగంగా అష్టాక్షరీ మహామంత్ర జపం నిర్వహించారు. త్రిదండి చిన్నజీయర్‌ స్వామి ఆధ్వర్యంలో ప్రధాన యాగశాల మండపంలో 9 మంది జీయర్‌ స్వాములు మంత్ర అనుష్టానం చేశారు. ఈ సందర్భంగా చిన్నజీయర్‌ స్వామి మాట్లాడుతూ అనుష్టానం వల్ల మన చుట్టూ ఉండే వాతావరణం పవిత్రమవుతుందని చెప్పారు. ప్రేమతో ఈ మంత్ర అనుష్టానం చేయడం వల్ల భక్తుల్లో మానసిక బలం కలుగుతుందన్నారు. లక్ష్మీనారాయణ మహాయాగం క్రతువు ముగిసే వరకు కొనసాగుతుందని చెప్పారు. మరోవైపు యాగశాల సమీపంలోని ప్రవచన మండపంలో అష్టో్త్తర శత పూజను చిన్నజీయర్‌ స్వామి ప్రారంభించారు.