TTD: శ్రీవారికి కానుకల వర్షం.. రూ.131 కోట్లు దాటిన హుండీ ఆదాయం

తిరుమల: కలియుగ ప్రత్యక్ష దైవం తిరుమల శ్రీవేంకటేశ్వర స్వామివారి శ్రీవారిపై భక్తులు కానుకల వర్షం కురిపించారు. వరుసగా నవంబర్‌ మాసంలో కూడా శ్రీవారి హుండీ ఆదాయం  రూ.100కోట్ల మార్క్‌ దాటింది. ఈ ఏడాది ఏప్రిల్‌ నుంచి భక్తులను ఎలాంటి ఆంక్షలు లేకుండా అనుమతిస్తుండటంతో భక్తులు భారీ సంఖ్యలో తిరుమలకు చేరుకుంటున్నారు. శ్రీవారిని దర్శించుకొని మొక్కులు తీర్చుకుంటున్నారు. దీంతో స్వామివారికి హుండీ కానుకలు భారీగా లభిస్తున్నాయి. గత కొన్ని నెలలుగా శ్రీవారి హుండీ కానుకలు రూ.100కోట్లకు పైగా వస్తున్నాయి. ఇందులో భాగంగా నవంబర్‌లో రూ.131.56కోట్లు హుండీ కానుకలు లభించాయని తితిదే అధికారులు వెల్లడించారు.