Stalin: అంబులెన్స్‌కు దారిచ్చిన స్టాలిన్‌.. ప్రజల ప్రశంసల వర్షం

చెన్నై: తమిళనాడు ముఖ్యమంత్రి ఎంకే స్టాలిన్‌ మరోసారి తన పెద్దమనసును చాటుకున్నారు. తన కాన్వాయ్‌ వెళ్తుండగా.. అంబులెన్స్‌కు దారి ఇచ్చి గొప్పతనాన్ని చాటుకున్నారు. కోయంబత్తూరు- వెలచెరి మార్గంలో తన కాన్వాయ్‌ వెళ్తుండగా..అదే సమయంలో వెనకనుంచి ఓ అంబులెన్స్‌ వేగంగా వస్తుండటం స్టాలిన్‌ గమనించారు. రోడ్డుకు ఎడమవైపు కాన్వాయ్‌ను ఆపించి, అంబులెన్స్‌కు మార్గాన్ని కల్పించారు. కాన్వాయ్‌ను ఆపి, అంబులెన్స్‌కు దారిచ్చిన సీఎం స్టాలిన్‌పై తమిళనాడు ప్రజలు ప్రశంసల వర్షం కురిపిస్తున్నారు. దీనికి సంబంధించిన వీడియోను అనేకమంది నెటిజన్లు సోషల్‌ మీడియాలో షేర్‌ చేస్తున్నారు.