AP News: ఏపీ డీజీపీకి చంద్ర‌బాబు లేఖ‌ 

నెల్లూరు: నెల్లూరు జిల్లా పైడేరు కాలువ‌లో వైకాపా నేతల మ‌ట్టి మాఫియాను ప్ర‌శ్నించినందుకు మ‌ల్లికార్జున్ అనే ఎస్సీ యువ‌కుడిపై వైకాపా కార్య‌క‌ర్త‌లు దాడి చేశార‌ని తెదేపా అధినేత చంద్ర‌బాబు ధ్వ‌జ‌మెత్తారు. మ‌ల్లికార్జున్‌ను త‌ప్పుడు కేసులో ఇరికించిన కొడవ‌లూరు పోలీసుల‌పై విచార‌ణ జ‌రిపి చ‌ర్య‌లు తీసుకోవాల‌ని ఏపీ డీజీపీ గౌత‌మ్ స‌వాంగ్‌కు లేఖ రాశారు. పోలీసులు అధికార పార్టీ నాయ‌కుల‌తో చేతులు క‌లిపి ఎస్సీ యువ‌కుడిపై దాడి చేయ‌డం దుర్మార్గ‌మ‌న్నారు. పౌరుల ప్రాథ‌మిక హ‌క్కుల‌కు భంగం క‌లిగేలా పోలీసుల చ‌ర్య‌లు ఉన్నాయ‌ని తెలిపారు. మ‌ల్లికార్జున్‌పై పెట్టిన కేసుల‌ను తొల‌గించాల‌ని చంద్ర‌బాబు డిమాండ్ చేశారు.