Assam: సినిమాటిక్‌ స్టైల్‌లో విద్యార్థినికి ప్రపోజ్‌ చేసి.. ఉద్యోగం కోల్పోయాడు!

డిస్పూర్‌: విద్యాబుద్ధులు నేర్పాల్సిన ఉపాధ్యాయుడే ఓ విద్యార్థినికి సినిమాటిక్‌ స్టైల్‌లో లవ్‌ ప్రపోజ్‌ చేశాడు. అందరూ చూస్తూండగానే క్లాస్‌ రూం మధ్యలో మోకాళ్లపై కూర్చొని హీరో లెవల్‌లో ‘ఐ లవ్‌ యూ’ చెప్పాడు. ఈ తంతంగాన్నంతా అక్కడే ఉన్న కొంతమంది విద్యార్థులు వీడియో తీయడంతో ఇది వైరల్‌గా మారింది. ఈ విషయం ఉన్నతాధికారుల దృష్టికి వెళ్లడంతో అతడిని ఉద్యోగం నుంచి తొల‌గించారు. ఈ ఘటన అసోంలోని దేమాజీ నగరంలో చోటుచేసుకుంది.

దేమాజీలోని దీన్ ద‌యాళ్ ఉపాధ్యాయ గ్రామీణ్ కౌశ‌ల్య యోజ‌న కేంద్రంలో మ‌నోజ్ కుంబంగ్ అనే వ్యక్తి శిక్షకుడిగా ప‌నిచేస్తున్నాడు. అందులోనే ట్రైనింగ్‌ తీసుకుంటున్న ఓ విద్యార్థినికి క్లాస్‌ రూంలోనే సినిమాటిక్‌ రేంజ్‌లో ప్రపోజ్‌ చేసిన వీడియోలు వైరల్‌ కావడంతో సంబంధిత అధికారులు మనోజ్‌పై చర్యలు తీసుకున్నారు. అతడిని విధుల్లోంచి తొలగించగా.. విద్యార్థినిని కూడా సస్పెండ్‌ చేశారు. ‘‘ఇది ఎవరూ ఊహించని సంఘటన. అతడు ఎందుకు అలా చేశాడో తెలియదు. కానీ, విషయం మా దృష్టికి రాగానే అతడితో పాటు విద్యార్థినిపై చర్యలు తీసుకున్నాం. అలాగే దీన్ని ఫోన్‌లో చిత్రీకరించిన వారిపైనా చర్యలు తీసుకుంటాం’’ అని శిక్ష‌ణా కేంద్రం అధికారి ఒకరు తెలిపారు.

► Read latest General News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.