Hyderabad: సాంకేతికలోపంతో స్పైస్‌జెట్‌ విమానం వెనక్కి.. ప్రయాణికుల ఆందోళన

శంషాబాద్‌: హైదరాబాద్‌ నుంచి నాసిక్‌ బయల్దేరిన స్పైస్‌జెట్‌ విమానంలో సాంకేతికలోపం తలెత్తింది. దీంతో విమానాన్ని తిరిగి శంషాబాద్‌ విమానాశ్రయానికి తీసుకొచ్చారు. 3 గంటలకు పైగా సమయం దాటినా మరో విమానం ఏర్పాటు చేయకపోవడంపై ప్రయాణికులు ఆగ్రహం వ్యక్తం చేస్తున్నారు. అధికారుల తీరుపై విమానాశ్రయంలో ఆందోళనకు దిగారు.

హైదరాబాద్‌ శంషాబాద్‌ విమానాశ్రయం నుంచి స్పైస్‌ జెట్‌ విమానం ఉదయం 6.20 గంటలకు బయల్దేరింది. సుమారు 30 నిమిషాల ప్రయాణం తర్వాత విమానంలో సాంకేతిక లోపం తలెత్తినట్లు పైలట్లు గుర్తించారు. దీంతో విమానాన్ని తిరిగి హైదరాబాద్‌ విమానాశ్రయానికి తీసుకొచ్చారు. మరో విమానం ఏర్పాటు చేయకపోవడం, గంటల తరబడి నిరీక్షించాల్సి రావడంతో ప్రయాణికులు ఆందోళనకు దిగారు. అధికారుల నుంచి సరైన స్పందనలేదని ఆగ్రహం వ్యక్తం చేస్తున్నారు.