Hyderabad : హైదరాబాద్‌లో 15 వంతెనల నిర్మాణానికి ప్రభుత్వం గ్రీన్‌ సిగ్నల్‌

హైదరాబాద్‌: జీహెచ్‌ఎంసీ పరిధిలో మూసీ, దాని ఉపనది ఈసాపై వంతెనల నిర్మాణానికి తెలంగాణ ప్రభుత్వం అనుమతించింది. రూ.545 కోట్ల వ్యయంతో 15 వంతెనలు నిర్మించాలని నిర్ణయించింది. ఈ మేరకు పరిపాలనా అనుమతులు మంజూరు చేసింది. వంతెనల నిర్మాణం కోసం 50శాతం హెచ్‌ఎండీఏ నిధులను వినియోగించగా..మరో 50 శాతం నిధులను రుణాల ద్వారా జీహెచ్‌ఎంసీ సమకూర్చుకోనుంది. ఈ మేరకు వంతెనల నిర్మాణానికి పురపాలక శాఖ ఉత్తర్వులు జారీ చేసింది. హైదరాబాద్‌ రోడ్‌ డెవలప్‌మెంట్‌ కార్పొరేషన్‌ ద్వారా వంతెనల నిర్మాణం చేపట్టనున్నారు.