Telangana : మార్కెట్‌ విలువల పెంపుతో స్థిరాస్తి రంగంపై ప్రభావం: తెలంగాణ బిల్డర్స్‌ ఫెడరేషన్‌

హైదరాబాద్‌: మార్కెట్ విలువల పెంపుతో స్థిరాస్తి రంగంపై ప్రభావం పడుతుందని తెలంగాణ బిల్డర్స్‌ ఫెడరేషన్‌ ప్రతినిధులు అన్నారు. హైదరాబాద్‌లో మీడియాతో మాట్లాడుతూ.. కొనుగోలుదారులు ముందుకు రావట్లేదన్నారు. అడ్వాన్స్‌లు ఇచ్చిన వారు వాయిదా వేసుకుంటున్నారని చెప్పారు. మార్కెట్‌ విలువల పెంపును రెండేళ్లు వాయిదా వేయాలని కోరారు. పెంపులో మార్పు లేకపోతే రిజిస్ట్రేషన్‌ ఛార్జీలైనా తగ్గించాలని విజ్ఞప్తి చేశారు. కొనుగోలుదారుడు బక్కచిక్కితే స్థిరాస్తి రంగానికే మనుగడ ఉందన్నారు. మార్కెట్‌ విలువలు పెరగడం వల్ల నాలా ఛార్జీలు, ఎల్‌ఆర్‌ఎస్ ఛార్జీలు తదితర వాటిపై ప్రభావం ఉంటుందని ప్రతినిధులు తెలిపారు.