Telangana News: తెలంగాణలో కొత్తగా 2,484 కరోనా కేసులు

హైదరాబాద్ : తెలంగాణలో కరోనా వ్యాప్తి కొనసాగుతోంది. తాజాగా 65,263 నమూనాలను పరీక్షించగా 2,484మందికి పాజిటివ్‌గా నిర్ధరణ అయ్యింది. దీంతో ఇప్పటి వరకు నమోదైన కేసుల సంఖ్య 7,61,050కి పెరిగింది. తాజాగా మహమ్మారి బారిన పడి మరొకరు ప్రాణాలు కోల్పోయారు. గడిచిన 24 గంటల్లో 4,207 మంది కరోనా నుంచి కోలుకోగా.. ఇప్పటి వరకు 7,18,241 మంది కరోనా నుంచి బయటపడినట్లు ప్రభుత్వం బులిటెన్‌ విడుదల చేసింది. మరో 38,723 మంది చికిత్స తీసుకుంటున్నట్లు తెలిపింది. రాష్ట్రంలో ప్రస్తుతం రికవరీ రేటు 94.38 శాతంగా ఉన్నట్లు బులిటెన్‌లో పేర్కొంది. మరోవైపు జీహెచ్‌ఎంసీ పరిధిలో తాజాగా 1045 మందికి పాజిటివ్‌గా తేలింది.