TS COVID update: తెలంగాణలో 160 కొత్త కేసులు

హైదరాబాద్‌: తెలంగాణలో కరోనా వైరస్‌ వ్యాప్తి కొనసాగుతోంది. కొత్తగా మరో 160 కేసులు నమోదు కాగా.. ఇద్దరు ప్రాణాలు కోల్పోయారు. రాష్ట్ర వ్యాప్తంగా గడిచిన 24గంటల వ్యవధిలో 35,326 శాంపిల్స్‌ పరీక్షించగా.. 160 మందిలో వైరస్‌ నిర్ధారణ అయినట్టు అధికారులు బులిటెన్‌లో వెల్లడించారు. అలాగే, కొత్తగా 193మంది కోలుకొని డిశ్చార్జి అయ్యారు. 

తెలంగాణలో ఇప్పటివరకు 2.76కోట్లకు పైగా శాంపిల్స్‌ పరీక్షించగా.. 6.71లక్షలకు పైగా కొవిడ్ పాజిటివ్‌ కేసులు నిర్ధారణ అయ్యాయి. రాష్ట్రవ్యాప్తంగా కొవిడ్‌ బారిన పడినవారిలో 6.63 లక్షల మందికి పైగా కోలుకోగా.. 3958మంది ప్రాణాలు కోల్పోయారు. ప్రస్తుతం 3974 క్రియాశీల కేసులు ఉన్నాయి. తెలంగాణలో రికవరీ రేటు 98.81శాతం కాగా.. మరణాల రేటు 0.58శాతంగా ఉన్నట్టు ఆరోగ్యశాఖ అధికారులు తెలిపారు.