Ts News: ఇళ్ల స్థలాల క్రమబద్ధీకరణకు తెలంగాణ సర్కార్‌ మరో అవకాశం

హైదరాబాద్‌: ప్రభుత్వ భూముల్లో ఇళ్లు నిర్మించుకున్న స్థలాల క్రమబద్ధీకరణకు రాష్ట్ర ప్రభుత్వం మరో అవకాశం కల్పించింది. 58, 59జీవోల కింద జారీ చేసిన ఉత్తర్వులకు లోబడి క్రమబద్ధీకరణ కోసం మళ్లీ దరఖాస్తులను స్వీకరించనుంది. ఇందుకోసం మీసేవా కేంద్రాల ద్వారా ఈ నెల 21వ తేదీ నుంచి మార్చ్ నెలాఖరు వరకు దరఖాస్తులు స్వీకరించనున్నారు. 2014 జూన్ రెండో తేదీ కటాఫ్‌గా క్రమబద్ధీకరణ చేయనున్నారు. 58, 59జీవోల కింద జారీ చేసిన ఉత్తర్వులకు అనుగుణంగా 125 చదరపు గజాల్లోపు స్థలాలను ఉచితంగా క్రమబద్ధీకరిస్తారు. అంతకన్నా ఎక్కువ విస్తీర్ణం ఉన్న స్థలాలను నిర్ణీత రుసుముతో క్రమబద్ధీకరణ చేస్తారు.