Inter Exams : ఏప్రిల్‌ 20 నుంచి తెలంగాణ ఇంటర్‌ పరీక్షలు

హైదరాబాద్‌ : తెలంగాణలో ఏప్రిల్‌ 20 నుంచి పరీక్షలు నిర్వహించాలని ఇంటర్‌ బోర్డు నిర్ణయించింది. ఈ మేరకు షెడ్యూల్‌ను ఖరారు చేసింది. ఇంటర్‌ మొదటి సంవత్సరం పరీక్షలు ఏప్రిల్‌ 20 నుంచి మే 2 వరకు జరగనున్నాయి. ద్వితీయ సంవత్సరం పరీక్షలు ఏప్రిల్‌ 21 నుంచి మే 5 వరకు నిర్వహించనున్నారు. ప్రాక్టికల్‌ పరీక్షలను మార్చి 23 నుంచి ఏప్రిల్‌ 8 వరకు నిర్వహిస్తారు. ఏప్రిల్‌ 11న మానవ విలువలు, 12న పర్యావరణ పరీక్ష నిర్వహించాలని బోర్డు నిర్ణయించింది. 

ఫీజు చెల్లింపు గడువు పెంపు

మరోవైపు డిగ్రీ సెమిస్టర్‌ పరీక్షల ఫీజు చెల్లింపు గడువు తేదీని ఓయూ పొడిగించింది. 1, 3, 5 సెమిస్టర్‌ పరీక్షల ఫీజును ఎలాంటి ఆలస్య రుసుము లేకుండా ఈ నెల 14 లోగా చెల్లించేందుకు అనుమతిచ్చింది.