తెలంగాణలో కొత్తగా 5,186 కరోనా కేసులు

హైదరాబాద్‌: తెలంగాణలో కరోనా వ్యాప్తి కొనసాగుతోంది. అయితే నిన్నటితో పోల్చుకుంటే ఇవాళ తక్కువ కేసులు నమోదయ్యాయి. గడిచిన 24 గంటల్లో  69,148 నమూనాలను పరీక్షించగా.. 5,186 మందికి పాజిటివ్‌గా నిర్ధారణ అయ్యింది. దీంతో ఇప్పటి వరకు కరోనా సోకిన వారి సంఖ్య 4,92,385కి చేరింది. తాజాగా మహమ్మారి కారణంగా 38 మంది ప్రాణాలు కోల్పోగా.. మృతుల సంఖ్య 2,704కి పెరిగింది. ఇవాళ 7,994 మంది వైరస్‌ నుంచి కోలుకున్నట్లు రాష్ట్ర ప్రభుత్వం బులిటెన్‌ విడుదల చేసింది. రాష్ట్రంలో 68,462 క్రియాశీల కేసులు ఉన్నట్లు పేర్కొంది. జీహెచ్‌ఎంసీ పరిధిలో కొత్తగా 904 మందికి పాజిటివ్‌గా నిర్ధారణ అయ్యింది.