Telangana News: ఊళ్లను వదిలి వెళ్లినవారు తిరిగి వస్తున్నారు: మంత్రి జగదీశ్‌రెడ్డి

హైదరాబాద్: తెలంగాణలో ఆకలిని పారద్రోలాం అని మంత్రి జగదీశ్‌రెడ్డి అన్నారు. సీఎం కేసీఆర్‌ ప్రవేశపెట్టిన సంక్షేమ పథకాల వల్లనే ఇది సాధ్యమయిందని చెప్పారు. ఊళ్లను వదిలి వెళ్లినవారు తిరిగి చేరుకుంటున్నారని మంత్రి తెలిపారు. నగరంలోని ఖైరతాబాద్‌ విశ్వేశ్వరయ్య భవన్‌లో నదుల పరిరక్షణపై రెండో రోజు జాతీయ సదస్సు కొనసాగుతోంది. సదస్సులో పాల్గొన్న జగదీశ్‌రెడ్డి మాట్లాడారు.

‘‘వానలను వాపసు తెచ్చుకోవాలంటే పచ్చదనం పెంచాలని సీఎం చెప్పారు. హైదరాబాద్‌లో మూసీ నది ఆక్రమణలకు గురైంది. మానవులు స్వార్థంతో పర్యవరణాన్ని నాశనం చేస్తున్నారు. సీఎం కృషి వల్లే చెరువులు నీటితో కళకళలాడుతున్నాయి’’ అని జగదీశ్‌రెడ్డి అన్నారు.