TS: మంత్రి మల్లారెడ్డి దంపతులకు కరోనా

వీడియో ద్వారా వెల్లడించిన తెలంగాణ మంత్రి

హైదరాబాద్‌: తెలంగాణ మంత్రి మల్లారెడ్డి దంపతులకు కరోనా సోకింది. ఈ విషయాన్ని ఆయనే స్వయంగా వీడియో ద్వారా తెలిపారు. ప్రస్తుతం మంత్రి హోం ఐసోలేషన్‌లో ఉన్నారు. వీడియోలో మల్లారెడ్డి మాట్లాడుతూ.. ప్రస్తుతం కరోనా నుంచి కోలుకున్నానని అన్నారు. ధైర్యంగా, జాగ్రత్తగా ఉంటే కరోనాను జయించవచ్చని చెప్పారు. 

తాండూరు ఎమ్మెల్యే రోహిత్‌ రెడ్డికి కరోనా పాజిటివ్‌ వచ్చింది. హైదరాబాద్‌ జూబ్లీ హిల్స్‌  అపోలో ఆసుపత్రిలో చికిత్స పొందుతున్నారు. తెలంగాణ వ్యాప్తంగా కరోనా కేసులు మళ్లీ రెండు వేలు దాటాయి. నిన్న రాత్రి 8 గంటల వరకు కొత్తగా 2,256 పాజిటివ్‌ కేసులు నమోదైనట్లు వైద్య,ఆరోగ్య శాఖ తాజా బులెటిన్‌లో వెల్లడించింది. దీంతో మొత్తం కేసుల సంఖ్య 77,513కి చేరింది. మరోవైపు గడిచిన 24 గంటల్లో 14 మంది ప్రాణాలు కోల్పోవడంతో.. మొత్తం మృతుల సంఖ్య 615కి పెరిగింది.