TSLPRB: దేహదారుఢ్య పరీక్షల్లో అన్యాయం జరిగింది.. హైదరాబాద్‌లో అభ్యర్థుల నిరసన

హైదరాబాద్: తెలంగాణ స్టేట్‌ లెవెల్‌ పోలీసు రిక్రూట్‌మెంట్‌ బోర్డు (TSLPRB) నిర్వహించిన దేహదారుఢ్య పరీక్షల్లో తమకు అన్యాయం జరిగిందంటూ పలువురు అభ్యర్థులు  సోమవారం నిరసన వ్యక్తం చేశారు. హైదరాబాద్‌లోని దిల్‌సుక్‌నగర్‌ నుంచి చైతన్యపురి వరకు అభ్యర్థులు ర్యాలీ నిర్వహించారు. దేశంలో ఎక్కడా లేని విధంగా 4 మీటర్ల లాంగ్ జంప్ (Long Jump) నిర్వహించి అన్యాయం చేశారని అభ్యర్థులు ఆరోపించారు. పలువురు ఎమ్మెల్యేలు, ఎంపీలు, ఇతర రాజకీయ పార్టీ నాయకులను కలిసినా సమస్య పరిష్కారం కావడం లేదని అభ్యర్థులు ఆవేదన వ్యక్తం చేశారు. మెయిన్స్‌లో(Mains) తమకు అవకాశం కల్పించాలని అభ్యర్థులు ప్రభుత్వాన్ని (TS Govt) కోరారు. తమకు జరిగిన అన్యాయాన్ని అసెంబ్లీలో చర్చించి పరిష్కారం చూపించాలని.. లేదంటే శాసనసభను ముట్టడిస్తామని అభ్యర్థులు హెచ్చరించారు.