Updated : 11/11/2021 13:18 IST

Amaravati Padayatra: వర్షంలోనూ అమరావతి రైతుల ‘మహాపాదయాత్ర’

అమరావతి: ఆంధ్రప్రదేశ్‌ ఏకైక రాజధానిగా అమరావతినే కొనసాగించాలని రాజధాని రైతులు, మహిళలు చేస్తున్న అమరావతి మహా పాదయాత్ర వర్షంలోనూ కొనసాగుతోంది. పదకొండో రోజైన ఇవాళ ప్రకాశం జిల్లా నాగులుప్పలపాడులో యాత్రను ప్రారంభించారు. ఆ ప్రాంతంలో వర్షం పడుతుండటంతో గొడుగులు, రెయిన్‌కోట్లు ధరించి రైతులు ముందుకు కదులుతున్నారు. కాగా నాగులుప్పల పాడు మార్గాలను పోలీసులు చెక్‌పోస్టులు ఏర్పాటు చేసి దిగ్బంధించారు. తమకు సంఘీభావం తెలపడానికి వస్తున్న వారిని అదుపులోకి తీసుకుంటున్నారని రైతులు ఆరోపిస్తున్నారు.

పోలీసులు ఆంక్షల నడుమ న్యాయస్థానం నుంచి దేవస్థానం పేరుతో చేపట్టిన యాత్ర ముందుకు సాగుతోంది. అంతకముందు.. రాత్రి పూట రైతులు బస చేసిన నాగులుప్పలపాడులో అకాల వర్షం కారణంగా గుడారాలు తడిచిపోయి వారు తీవ్ర ఇబ్బందులు పడ్డారు. అమరావతి పరిరక్షణ సమితి, రాజధాని ఐక్య కార్యాచరణ సమితి ఆధ్వర్యంలో నిర్వహిస్తున్న యాత్ర 45 రోజుల పాటు కొనసాగనుంది. గుంటూరు, ప్రకాశం, నెల్లూరు, చిత్తూరు జిల్లాల్లోని 70 ప్రధాన గ్రామాల మీదుగా జరిగే ఈ యాత్ర డిసెంబరు 15న తిరుపతిలో ముగియనుంది.

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని