Amaravati Padayatra: 17వ రోజుకు చేరిన అమరావతి ‘మహాపాదయాత్ర’

కందుకూరు: న్యాయస్థానం నుంచి దేవస్థానం పేరుతో రాజధాని రైతులు, మహిళలు చేపట్టిన మహాపాదయాత్ర 17వ రోజుకు చేరుకుంది. ఏపీ ఏకైక రాజధానిగా అమరావతినే కొనసాగించాలని రైతులు చేస్తున్న యాత్ర ఇవాళ ప్రకాశం జిల్లా కందుకూరులోని వెంగమాంబ కల్యాణ మండపం నుంచి ప్రారంభమైంది. కందుకూరు మండలం మోపాడులో మధ్యాహ్న భోజనం చేయనున్నారు. ఇవాళ 16 కి.మీ మేర సాగే యాత్ర రాత్రికి ప్రకాశం జిల్లా గుడ్లూరుకు చేరనుంది.

అమరావతి పరిరక్షణ సమితి, రాజధాని ఐక్య కార్యాచరణ సమితి ఆధ్వర్యంలో నిర్వహిస్తున్న యాత్ర 45 రోజుల పాటు కొనసాగనుంది. గుంటూరు, ప్రకాశం, నెల్లూరు, చిత్తూరు జిల్లాల్లోని 70 ప్రధాన గ్రామాల మీదుగా జరిగే ఈ యాత్ర డిసెంబరు 15న తిరుపతిలో ముగియనుంది.