Amaravati Padayatra: ఉత్సాహంగా సాగుతోన్న అమరావతి ‘మహాపాదయాత్ర’

గుడ్లూరు: అమరావతి రైతుల మహా పాదయాత్ర 20వ రోజు ఉత్సాహంగా కొనసాగుతోంది. న్యాయస్థానం నుంచి దేవస్థానం పేరుతో చేపట్టిన యాత్ర ప్రకాశం జిల్లా గుడ్లూరు నుంచి ఇవాళ ప్రారంభమైంది. 18కి.మీ.మేర కొనసాగే యాత్ర సాయంత్రం ఆరు గంటలకు కావలి మండలం రాజువారిచింతలపాలెంలో ముగియనుంది. ఈ రాత్రి రైతులు అక్కడే బస చేయనున్నారు. అమరావతి రైతులకు స్థానికులు మద్దతు తెలుపుతున్నారు. అమరావతి పరిరక్షణ సమితి, రాజధాని ఐక్య కార్యాచరణ సమితి ఆధ్వర్యంలో నిర్వహిస్తున్న యాత్ర 45 రోజుల పాటు కొనసాగనుంది. గుంటూరు, ప్రకాశం, నెల్లూరు, చిత్తూరు జిల్లాల్లోని 70 ప్రధాన గ్రామాల మీదుగా తిరుమలకు చేరనుంది.