Amaravati: ప్రాంతాల వారీగా చిచ్చుపెట్టాలనే అమరావతిపై బొత్స దుష్ప్రచారం: శివారెడ్డి

అమరావతి: ప్రాంతాల వారీగా ప్రజల మధ్య చిచ్చు పెట్టాలని మంత్రి బొత్స సత్యనారాయణ అమరావతిపై దుష్ప్రచారం చేస్తున్నారని అమరావతి పరిరక్షణ సమితి కన్వీనర్‌ శివారెడ్డి ఆరోపించారు. సీఎం జగన్‌ మెప్పు కోసం మంత్రులు ఇష్టమొచ్చినట్లు మాట్లాడుతున్నారన్నారు.‘‘ రాష్ట్రాన్ని ఎడారి పాల్జేయాలని చూస్తే ఊరుకునేది లేదు. రాజధాని లేని రాష్ట్రం కోసం రైతులు భూములను త్యాగం చేశారు. విశాఖ స్టీల్‌ప్లాంట్‌ కార్మికులకు న్యాయం చేయలేకపోతున్నారు. ప్రజల భావోద్వేగాలను ఎందుకు రెచ్చగొడుతున్నారు. ఎన్ని అరాచకాలు జరుగుతాయోనని ఉత్తరాంధ్ర ప్రజలు భయపడుతున్నారు. ఈ రోజు పరిపాలన జరుగుతోంది తాము ఇచ్చిన భూముల నుంచే అనే విషయాన్ని పరిగణనలోకి తీసుకోకుండా మంత్రులు వ్యాఖ్యలు చేయడం భావ్యంగా లేదు’’ అని శివారెడ్డి అన్నారు.