TS News: మల్లన్నసాగర్‌ వద్ద సీఎం కేసీఆర్‌ విహంగవీక్షణం

హైదరాబాద్: మల్లన్నసాగర్ జలాశయాన్ని ముఖ్యమంత్రి కేసీఆర్ విహంగవీక్షణం ద్వారా పరిశీలించారు. కాళేశ్వరం ప్రాజెక్టులో భాగంగా అత్యంత ఎక్కువగా 50 టీఎంసీల సామర్థ్యంతో నిర్మించిన మల్లన్నసాగర్‌లో ఈ సీజన్ నుంచే నీటిని నింపుతున్నారు. ఈ ఏడాది పది టీఎంసీలు నింపాలని... దశలవారీగా పూర్తిగా నీరు నింపాలని రాష్ట్ర ప్రభుత్వం నిర్ణయించింది. ప్రస్తుతం మల్లన్నసాగర్ జలాశయంలో 10.6 టీఎంసీల నీరు నిల్వ ఉంది. ఈ సామర్థ్యంతో జలాశయం, కట్టను పూర్తి స్థాయిలో పరిశీలించాక మళ్లీ నీటిని నింపుతారు. విహంగవీక్షణం ద్వారా మల్లన్నసాగర్‌ను పరిశీలించిన ముఖ్యమంత్రి కేసీఆర్.. అన్నింటినీ క్షుణ్నంగా గమనించారు.