TS NEWS: 26 నుంచి రేషన్‌కార్డుల పంపిణీ

హైదరాబాద్‌: ఈనెల 26 నుంచి కొత్త రేషన్‌ కార్డులు పంపిణీ చేయాలని తెలంగాణ ముఖ్యమంత్రి కేసీఆర్‌ ఆదేశించారు. ఇప్పటికే దరఖాస్తు చేసుకుని అర్హత పొందిన 3,60,000 పై చిలుకు లబ్ధిదారులకు ఆయా నియోజకవర్గాల్లోని ప్రజాప్రతినిధుల ఆధ్వర్యంలో పంపిణీ కార్యక్రమం నిర్వహించాలని పౌరసరఫరాలశాఖ మంత్రి గంగుల కమలాకర్‌ను సీఎం ఆదేశించారు. ఈనెల 26 నుంచి 31 వరకు కార్డుల పంపిణీ కార్యక్రమం నిర్వహించాలని సీఎం స్పష్టం చేశారు. కొత్త రేషన్‌ కార్డు లబ్ధిదారులకు ఆగస్టు నెల నుంచే రేషన్‌ బియ్యం అందజేయాలని సూచించారు. అందుకు సంబంధించిన ఏర్పాట్లు చేసుకోవాలని పౌరసరఫరాలశాఖ కమిషనర్‌ అనిల్‌ కుమార్‌ను సీఎం ఆదేశించారు.