Telangana News: తెలంగాణలో కొత్తగా 1,217 కరోనా కేసులు.. ఒకరి మృతి

హైదరాబాద్‌: తెలంగాణలో కరోనా కేసులు తగ్గుముఖం పట్టాయి. గడిచిన 24 గంటల్లో 48,434 కరోనా నిర్ధారణ పరీక్షలు నిర్వహించగా.. కొత్తగా 1,217 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 7,77,530కి చేరింది. ఈ మేరకు వైద్య ఆరోగ్యశాఖ బులిటెన్‌ విడుదల చేసింది. గత 24 గంటల వ్యవధిలో రాష్ట్రంలో కరోనాతో ఒకరు ప్రాణాలు కోల్పోయారు. దీంతో ఇప్పటివరకు రాష్ట్రంలో ప్రాణాలు కోల్పోయినవారి సంఖ్య 4,100కి చేరింది. కరోనా బారి నుంచి నిన్న 3,944 మంది కోలుకున్నారు. రాష్ట్రంలో ప్రస్తుతం 26,498 యాక్టివ్‌ కేసులు ఉన్నాయి. జీహెచ్‌ఎంసీ పరిధిలో ఇవాళ 383 కేసులు నమోదయ్యాయి.