TS News: కరోనా కలకలం..  టెక్‌ మహీంద్రా వర్సిటీకి 15 రోజులు సెలవులు

మేడ్చల్‌ : టెక్‌ మహీంద్ర వర్సిటీలో కరోనా కలకలం సృష్టించింది. వర్సిటీలో 25 మంది విద్యార్థులు, ఐదుగురి సిబ్బందికి కొవిడ్‌ సోకింది. దీంతో వైద్యాధికారులు చర్యలు చేపట్టారు. డీఎంహెచ్‌వో మల్లికార్జున్‌ వర్సిటీని పరిశీలించారు. ప్రస్తుతం హోం ఐసోలేషన్‌లో 30 మంది కరోనా బాధితులు ఉన్నట్లు తెలిపారు. వర్సిటీ సిబ్బందికి, సమీపంలోని దుకాణదారులకు కరోనా పరీక్షలు నిర్వహిస్తున్నట్లు తెలిపారు. కరోనా నేపథ్యంలో వర్సిటీకి 15 రోజుల సెలవు ప్రకటించినట్లు వెల్లడించారు. అయితే పాజిటివ్‌ వచ్చిన వారంతా టీకా రెండు డోసులు తీసుకున్నవారేనని చెప్పారు.