Published : 15 Jul 2021 01:34 IST

వారి పెళ్లి ఖర్చు రూ.500..!

ధార్‌: సాధారణంగా పెళ్ళంటే గుర్తుకొచ్చేది బాజాభజంత్రీలు, బంధుమిత్రుల సందడి, నోరూరించే వంటకాలు, ఇంకా మరెన్నో.  జీవితంలో ఒకేసారి చేసుకునే ఈ అపురూప వేడుక కోసం ఈ రోజుల్లో రూ.కోట్లలో ఖర్చు చేసేవారూ ఉన్నారు. కానీ ఓ జంట కరోనా నిబంధనలు పాటిస్తూ నిరాడంబరంగా పెళ్లి చేసుకొని అందరికీ ఆదర్శంగా నిలిచారు. అయితే వారి పెళ్లికి అయిన ఖర్చు రూ.500 మాత్రమే.

మధ్యప్రదేశ్‌లోని ధార్‌ కలెక్టర్‌ శివాంగి జోషి.. భారత సైన్యంలో మేజర్‌గా పనిచేస్తున్న అంకిత్‌ చతుర్వేది వివాహం చేసుకోవాలనుకున్నారు. వారిద్దరూ భోపాల్‌కు చెందినవారు. రెండేళ్ల క్రితమే వారి వివాహం నిశ్చయమైంది. కానీ కొవిడ్‌ మహమ్మారి వ్యాప్తి ప్రారంభమైనప్పటి నుంచి వైరస్‌ కట్టడికి సంబంధించిన విధుల్లో ఆమె నిమగ్నమయ్యారు. దీంతో వారి పెళ్లి వాయిదా పడుతూ వస్తోంది.  ఈ నేపథ్యంలో విలాసవంతమైన వివాహ వేడుకలకు డబ్బు ఖర్చు చేయొద్దంటూ సమాజానికి సందేశం పంపేందుకు వారు కోర్టులో పెళ్లి చేసుకోవాలనుకున్నారు. అందుకోసం తమ తల్లిదండ్రుల అనుమతి కూడా తీసుకున్నారు. కోర్టులో రూ.500 చెల్లించి వివాహం చేసుకున్నారు. వారి పెళ్లి వేడుకకు పూల దండలు, మిఠాయిలు మాత్రమే ఏర్పాటు చేశారు. అత్యంత నిరాడంబరంగా జరిగిన ఈ వేడుకకు వధూవరుల కుటుంబసభ్యులు, పరిమిత సంఖ్యలో సహోద్యోగులు హాజరయ్యారు.

‘‘పెళ్లి పేరుతో అనవసరంగా డబ్బు ఖర్చు చేయొద్దనే నేను ఇలా నిరాడంబరంగా వివాహం చేసుకున్నాను. పెళ్లి ఖర్చుతో వధువు కుటుంబంపై ఆర్థికంగా అదనపు భారం పడుతుంది.  వేడుకలను ఘనంగా నిర్వహించడం.. కష్టపడి సంపాదించిన సొమ్మును వృథా చేయడమే అవుతుంది’’ అని శివాంగి జోషి తెలిపారు. 

Read latest General News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని