Crime News: విజయనగరం జిల్లాలో భారీ అగ్ని ప్రమాదం: 20 పూరిళ్లు దగ్ధం

మెంటాడ: విజయనగరం జిల్లాలో శుక్రవారం రాత్రి భారీ అగ్ని ప్రమాదం సంభవించింది. మెంటాడ మండలం జక్కువలసలోని ఓ ఇంట్లో గ్యాస్‌ లీకై మంటలు వ్యాపించాయి. ఆ తర్వాత క్రమంగా మంటలు సమీపంలోని ఇళ్లకు వ్యాపించాయి. ఇళ్లలోని గ్యాస్‌ సిలిండర్లు పేలడంతో స్థానికులు  తీవ్ర భయాందోళనకు గురయ్యారు. అగ్నిమాపక సిబ్బంది ఘటనాస్థలికి చేరుకుని మంటలార్పేందుకు శ్రమిస్తున్నారు. అగ్ని ప్రమాదంలో దాదాపు 20 పూరిళ్లు దగ్ధమైనట్టు తెలుస్తోంది. అగ్ని ప్రమాద బాధితులను ఆదుకుంటామని జిల్లా కలెక్టర్‌ సూర్యకుమారి తెలిపారు. ఇళ్లు కోల్పోయిన బాధితులకు  స్థానిక పాఠశాలలో వసతి కల్పిస్తున్నట్టు చెప్పారు.