Published : 27/11/2021 17:48 IST

Ap News: తిరుపతిలో వరదనీటి నిల్వతో కుంగుతున్న ఇళ్ల పునాదులు

తిరుపతి: ఎడతెరిపి లేకుండా కురిసిన భారీ వర్షాలు తిరుపతి నగరాన్ని ముంచెత్తిన విషయం తెలిసిందే. ఎగువ ప్రాంతాల నుంచి వచ్చిన వరదనీరు రోజుల తరబడి ఇళ్ల మధ్య నిల్వ ఉండటంతో ఇళ్ల పునాదులు కుంగుతున్నాయి. తిరుపతి శ్రీకృష్ణా నగర్‌లోని 8వ క్రాస్‌లో 18 ఇళ్లకు గోడలు పగళ్లు ఏర్పడ్డాయి. మూడంతస్తుల భవనం గోడలు బీటలు వారడంతో కూలిపోయే స్థితికి చేరింది.  బీటలు వారిన భవనం సమీపంలోని ఇళ్లపై పడే అవకాశం ఉండటంతో కూల్చేందుకు అధికారులు చర్యలు చేపట్టారు. వరదనీరు నిల్వ ఉండటంతో పాటు బలహీనమైన నిర్మాణాలతో భవనాలు కూలిపోయే పరిస్థితి నెలకొందని అధికారులు తెలిపారు. తమ ఇల్లు కూల్చవద్దని భవన యజమాని అధికారులను వేడుకున్నారు. ఇళ్ల పునాదులు కుంగడంతో స్థానికులు ఆందోళనకు గురవుతున్నారు. శ్రీకృష్ణా నగర్‌లో ఇళ్ల గోడలు పగుళ్లు వచ్చిన ప్రాంతాన్ని స్థానిక శాసనసభ్యుడు కరుణాకర్‌రెడ్డితో పాటు తెలుగుదేశం నేతలు పరిశీలించారు. వరదతో నష్టపోయిన పేదలకు ప్రభుత్వ సాయం అందేలా చర్యలు చేపడతామని కరుణాకర్‌రెడ్డి తెలిపారు. 

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని