Bogatha Waterfall: భారీ వర్షాలు.. ‘బొగత’ పరవళ్లు 

వాజేడు: ఎగువ ప్రాంతాలతో పాటు ములుగు జిల్లాలో కురుస్తున్న వర్షాలతో వాజేడు మండలంలోని చీకులపల్లి వాగుకు నీటి ప్రవాహం పోటెత్తింది. దీంతో బొగత జలపాతం వరద నీటితో పరవళ్లు తొక్కుతోంది. ఉవ్వెత్తున ఎగిసిపడుతున్న నీటి తుంపరలు, జల సవ్వడితో అటవీ ప్రాంతం మనోహరంగా దర్శనమిస్తోంది. భారీ వర్షాల వల్ల కొనసాగుతున్న వరదతో జలపాతం ఉద్ధృతంగా ప్రవహిస్తోంది. కొత్త అందాలతో చూపరులను కనువిందు చేస్తోంది.