TS News: హైదరాబాద్‌ శివారులో భారీగా పొగమంచు..

అబ్దుల్లాపూర్‌మెట్‌: తెలంగాణలో పలుప్రాంతాల్లో భారీగా పొగమంచు కురుస్తోంది. ఉదయం 9 గంటలు దాటినా దీని ప్రభావం ఉండటంతో వాహనదారులు ఇబ్బందులు పడుతున్నారు. హైదరాబాద్‌ శివారు ప్రాంతాలను పొగమంచు కమ్మేసింది. ఎల్బీనగర్‌, వనస్థలిపురం, బీఎన్‌రెడ్డి నగర్‌, హయత్‌నగర్‌, అబ్దుల్లాపూర్‌మెట్‌ ప్రాంతాల్లో దీని ప్రభావం అధికంగా ఉంది. ముఖ్యంగా హైదరాబాద్‌- విజయవాడ జాతీయ రహదారిపై వాహనదారులు అవస్థలు పడుతున్నారు. కొద్దిదూరంలో ఏముందో కూడా కనిపించకపోవడంతో లైట్లు వేసుకుని వెళ్తున్నారు. దీంతో హైవేలో వాహనాలు నెమ్మదిగా ముందుకు కదులుతున్నాయి.