Karthika Masam: తెలుగు రాష్ట్రాల్లో కార్తిక సోమవారం, నాగుల చవితి వేడుకలు

ఇంటర్నెట్‌డెస్క్‌: తెలుగు రాష్ట్రాల్లోని శివాలయాల వద్ద సందడి నెలకొంది. నాగు చవితి పర్వదినంతో పాటు కార్తిక మాసం తొలి సోమవారం కావడంతో పెద్ద ఎత్తున భక్తులు పరమేశ్వరుడి దర్శనానికి పోటెత్తారు. శ్రీశైలం సహా ప్రముఖ పుణ్యక్షేత్రాలు, ఆలయాలకు ఈరోజు వేకువజాము నుంచే పెద్ద ఎత్తున భక్తులు తరలివచ్చారు. కొన్ని చోట్ల నదుల్లో పుణ్య స్నానాలు ఆచరించిన అనంతరం భక్తిశ్రద్ధలతో స్వామివారిని దర్శించుకున్నారు. భారీగా భక్తులు రాకతో శైవక్షేత్రాలు శివనామస్మరణతో  మార్మోగుతున్నాయి. నాగుల చవితిని పురస్కరించుకుని భక్తులు పుట్టల్లో పాలు పోసి ప్రత్యేక పూజలు నిర్వహిస్తున్నారు.