Republic: ‘రిపబ్లిక్‌’లో ఆ సన్నివేశాలు తొలగించండి: కొల్లేరు నేతలు

కొల్లేరు గ్రామాల నేతల ఆందోళన

ఏలూరు గ్రామీణ: ‘రిపబ్లిక్‌’ చిత్రంలో కొన్ని సన్నివేశాలు తొలగించాలని కొల్లేరు గ్రామాల సంఘ నాయకులు డిమాండ్‌ చేశారు. కొల్లేరు ప్రజల జీవన శైలిని దెబ్బతీసే విధంగా ఆ సన్నివేశాలు ఉన్నాయని కొల్లేరు గ్రామాల నేతలు ఆందోళన వ్యక్తం చేస్తున్నారు. ఈ మేరకు ఏలూరు ఎంపీడీవో కార్యాలయం వద్ద మంగళవారం ధర్నా నిర్వహించారు. సినిమాలోని అభ్యంతరకర సన్నివేశాలు తొలగించకుంటే దర్శకుడిపై చట్టపరమైన చర్యలు తీసుకునేలా ఫిర్యాదు చేస్తామని హెచ్చరించారు.

సాయిధరమ్‌ తేజ్‌, ఐశ్వర్య రాజేశ్‌ జంటగా నటించిన చిత్రం ‘రిపబ్లిక్‌’. దేవా కట్టా దర్శకత్వం వహిచంచారు. అక్టోబరు 1న ఈ సినిమా ప్రేక్షకుల ముందుకొచ్చి మంచి టాక్‌ సంపాదించుకున్న విషయం తెలిసిందే. ప్రభుత్వ వ్యవస్థలను, అధికారులను, ప్రజలను, కొంతమంది రాజకీయ నాయకులు ఎలా ప్రభావితం చేస్తున్నారనే విషయాన్ని సినిమాలో చూపించారు.