AP Politics: సినీ పెద్దల కోరిక మేరకే ఆన్‌లైన్‌లో సినిమా టికెట్ల విక్రయం: రోజా

తిరుమల: తిరుమల శ్రీ వేంకటేశ్వరస్వామిని నగరి వైకాపా ఎమ్మెల్యే రోజా దర్శించుకున్నారు. ఈ ఉదయం వీఐపీ ప్రారంభ దర్శన సమయంలో స్వామివారి సేవలో పాల్గొన్నారు. అనంతరం ఆమె మీడియాతో మాట్లాడారు. తెదేపా నేత అయ్యన్న వ్యాఖ్యలను ఆయన విజ్ఞతకే వదిలేస్తున్నామన్నారు. ఆ వ్యాఖ్యలు చాలా బాధాకరమన్న రోజా.. అయ్యన్న మూల్యం చెల్లించాల్సి వస్తుందని హెచ్చరించారు. ప్రభుత్వం సినిమా టికెట్లు అమ్ముతోందంటూ విమర్శలు చేస్తున్నారని.. సినీ పెద్దల కోరిక మేరకే ఆన్‌లైన్‌లో సినిమా టికెట్ల విక్రయానికి ప్రభుత్వం నిర్ణయం తీసుకున్నట్లు తెలిపారు. చిరంజీవి, నాగార్జున కోరడంతోనే సీఎం జగన్‌ అమలు చేస్తున్నారని రోజా స్పష్టం చేశారు.