AP News: గన్నవరం ఎయిర్పోర్టు వద్ద పవన్ అభిమానుల అడ్డగింత
గన్నవరం విమానాశ్రయం వద్ద జనసేన అధినేత పవన్కల్యాణ్ అభిమానులను పోలీసులు అడ్డుకున్నారు. మంగళగిరిలోని జనసేన కార్యాలయంలో నిర్వహించనున్న పార్టీ విస్తృతస్థాయి సమావేశంలో..
గన్నవరం: గన్నవరం విమానాశ్రయం వద్ద జనసేన అధినేత పవన్కల్యాణ్ అభిమానులను పోలీసులు అడ్డుకున్నారు. మంగళగిరిలోని జనసేన కార్యాలయంలో నిర్వహించనున్న పార్టీ విస్తృతస్థాయి సమావేశంలో పాల్గొనేందుకు పవన్ గన్నవరం విమానాశ్రయానికి రానున్నారు. ఆయన ఎయిర్పోర్టు నుంచి మంగళగిరి వెళ్లనున్నారు. ఈ నేపథ్యంలో ఎయిర్పోర్టు వద్ద పవన్కు స్వాగతం పలికేందుకు అభిమానులు తరలివచ్చారు. వారిని లోనికి వెళ్లేందుకు పోలీసులు అనుమతి నిరాకరించి జాతీయ రహదారిపైనే అడ్డుకున్నారు. విమానాశ్రయం ఆవరణలో ప్రతి వాహనాన్నీ క్షుణ్ణంగా తనిఖీ చేస్తున్నారు.
ఇటీవల నిర్వహించిన ‘రిపబ్లిక్’ సినిమా ప్రీరిలీజ్ వేడుక సందర్భంగా వైకాపా ప్రభుత్వంపై పవన్ చేసిన వ్యాఖ్యలు చర్చనీయాంశమయ్యాయి. మరోవైపు పవన్ వ్యాఖ్యలపై పలువురు ఏపీ మంత్రులు సైతం విమర్శలు చేశారు. ఈ పరిణామాల నేపథ్యంలో ఎలాంటి అవాంఛనీయ ఘటనలు జరగకుండా తూర్పు ఏసీపీ విజయ్పాల్ నేతృత్వంలో ఎయిర్పోర్టు మార్గంలో పోలీసులు బందోబస్తు ఏర్పాట్లు చేశారు.
గన్నవరం చేరుకున్న పవన్కల్యాణ్
పవన్కల్యాణ్ గన్నవరం ఎయిర్పోర్టుకు చేరుకున్నారు. గత కొద్దిరోజులుగా జరుగుతున్న పరిణామాల నేపథ్యంలో పోలీసులు ఆయన్ను పటిష్ట భద్రత మధ్య ఎయిర్పోర్టు నుంచి బయటకు తీసుకొచ్చారు. అనంతరం తన వాహనంలో మంగళగిరి జనసేన కార్యాలయానికి పవన్ వెళ్లారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.